Qazaqstan musylmandary dinı basqarmasy oqýshy qyzdardyń mektepke oramal taǵyp barýyna qatysty málimdeme jarııalady. Bul týraly Aǵabek Qonarbaıuly Facebook paraqshasynda jazdy, dep habarlaıdy Egemen.kz.
«Sharıǵat boıynsha balıǵat jasyna tolǵan musylman qyzǵa oramal taǵý paryz. Múftııat muny joqqa shyǵarǵan emes. Sol sekildi bilim alýdyń úkimi de paryz», dep jazdy A.Qonarbaıuly.
Onyń jazýynsha, sharıǵat balıǵatqa tolmaǵan qyzǵa oramal taǵýdy mindettemeıdi.
Jyl saıyn jańa oqý jyly qarsańynda oqýshy qyzdardyń mektepke oramal taǵyp barýyna qatysty másele múftııat qyzmetkerlerin de beı-jaı qaldyrmaıdy. QMDB óz quzireti aıasynda bul máselege qatysty ýákiletti memlekettik mekemelerge birqatar usynys jibergen edi.