Jastarymyz bilimdi, bilikti bolsa, elimiz damıdy, ekonomıkamyz kóteriledi. Sondyqtan qazir jańa ómirge qadam basqan stýdentter men jas ǵalymdarǵa jaǵdaı jasaý, olardy memleket tarapynan qoldap, ártúrli baǵdarlamany iske asyrýdyń mańyzy zor.
Qazir ýnıversıtetterde jataqhanalardyń jetispeýi, JOO-ny bitirgen jas mamandardy jumysqa ornalastyrý máseleleriniń ózekti ekenin eskerýimiz qajet. Jumys isteıtin jas otbasylarǵa Ǵylym jáne joǵary bilim mınıstrliginiń tikeleı aralasýymen memlekettik baǵdarlama arqyly baspana máselesin sheshý de mańyzdy másele. Sondaı-aq joǵary oqý ornyn bitirgen stýdentterden «jumysqa ornalasty» degen ótirik anyqtama aldyrtýdy shekteıtin ýaqyt jetti. О́kinishke qaraı, búginde bul úrdis beleń alyp tur. Osyndaı olqylyqtardy sheshetin bolsaq, elimizde bilimdi jastar turaqtaıtyn edi. О́ıtkeni bilikti, bilimdi, oıy ushqyr kóptegen jastyń shetel asyp ketip jatqany barshamyzǵa belgili. Osynyń barlyǵy jas býynǵa jaǵdaı jasaýdyń salǵyrttyǵynan týyndap otyr.
Taǵy bir aıta ketetin másele memlekettik ıdeologııanyń nashar jumys isteýimen baılanysty. Biz jastardy otansúıgishtikke, memleketke degen adaldyqqa úıretýimiz qajet. Onyń barlyǵy balabaqshadan bastalýǵa tıis.
Memleket basshysy Qasym-Jomart Toqaev Qazaqstan halqyna arnaǵan Joldaýynda jastar saıasatyna qatysty birqatar máselege toqtaldy. Solardyń biri jastardy damytý men olardy qoldaýǵa arnalǵan baǵdarlama qajet ekenin aıtty. Endigi mindet – osy baǵyttaǵy jumystardy júıeli túrde júrgizýge baılanysty.
Tımýr ÁPENDIEV,
Sh.Ýálıhanov atyndaǵy Tarıh jáne etnologııa ınstıtýty jas ǵalymdar keńesiniń múshesi, PhD