Ázerbaıjandyq ustazdardy oqytty

Ázerbaıjan Respýblıkasy­nyń Ǵylym jáne bilim mınıstr­ligi men «Nazarbaev zııatkerlik mek­tepteri» derbes bilim berý uıy­my arasyn­daǵy keń aýqymdy yn­tymaqtastyq shetel­dik muǵa­lim­derdiń biliktiligin arttyryp, otandyq zııatkerlik tehnolo­gııa­lardy álemdik bilimge sátti trans­lıa­sııalaýdaǵy júıeli ju­my­sty jalǵas­tyrýǵa múm­kindik berip otyr. Soǵan oraı Pedagogıkalyq she­ber­lik ortalyǵynyń kásibı damý boıyn­sha «Zamanaýı muǵalim: oqytýdan – zertteýge» atty baǵ­dar­lamasy ázirlenip, bıylǵy tamyzda elordada ázerbaıjandyq muǵa­limderdiń oqýy bastaldy.

«Nazarbaev zııatkerlik mek­tep­teri» derbes bilim berý uıy­­my­nyń basqarma tóraǵasy Ánýar Jan­­ǵozınniń aıtýyn­sha, atalǵan kýrs za­­manaýı bi­lim be­rýdiń suranysqa ıe basym­dyq­taryna, sonyń ishinde álemdik pedagogıkanyń jahandyq trend­teri men oqytýshynyń naqty qu­ral­daryna arnalǵan. Baýyrlas eldiń muǵalimderine arnalǵan oqý baǵdarlamasy Jahandyq bilim berý jónindegi komıssııanyń Azııa haby boıynsha komıssary Kúlásh Shámshıdınovanyń ashyq dárisimen bastady.

– «Zamanaýı muǵalim» aýqym­dy baǵdarlamasy zertteý tájirı­besi arqyly refleksııalyq oqy­týdy damytýǵa, sabaqty jos­par­laý men baǵalaýda kásibı qu­zy­ret­tilikterdi arttyrýǵa, qa­zir­gi pedagogıkalyq quraldar­dy kóbeıtýge, Lesson study já­ne Action Research negizgi kórset­kishterin túsinýge baǵyttalǵan. Ázer­baıjan Respýblıkasynyń Ulttyq kýrrıkýlýmyn eskere oty­ryp, halyq­aralyq sertıfı­kat­taýdan ótken bizdiń orta­lyq­tyń «Tıimdi oqytý» jáne «Mu­ǵalim tájirıbesindegi zertteý­ler» baǵdarlamalary negizinde quras­ty­rylǵan. Kembrıdj ýnı­ver­sıteti­niń keńesinen halyq­aralyq sertıfıkat­taýdan ótken Pedagogıkalyq sheber­lik orta­lyǵynyń tabysty trener­leri Raýshan Ábisheva men Gúljan Zeınoldına ázerbaıjandyq árip­testerimen jumys istedi, – dedi Pedago­gıkalyq sheberlik orta­lyǵy­nyń dırektory Janbota Qabdy­kárimova.

Astana men Bakýde ótken oqytý­dyń eki kezeńinde tujy­rym­­damalyq josparlaý, mektep máde­nıeti jáne balaǵa qolaı­ly orta, motıvasııalyq ári affek­tıvti teo­rııalar, synı tur­ǵy­­dan oılaý, ınte­rak­tıvti jáne ınk­lıýzıvti oqytý, fýnk­sıo­nal­dyq saýattylyq sekildi ne­gizgi taqyryp­tar qamtyldy.

Pedagogıkalyq sheberlik or­ta­­ly­ǵynyń kásibı jetistik­teri, máselen bedeldi eýropa­lyq ACQUIN ınstıtýtyn­da baǵdarlama akkre­dıtasııa­lary­nyń tutas serııasy, otandyq bi­lim­ge Lesson study jáne Action Research engizýdegi tabys­ty jumysy jáne kelesi jyly TMD-da alǵash ret ótetin Dú­nıejúzilik sabaqty zertteý qaýymdastyǵynyń WALS dás­túrli konferensııasy ázer­baı­jandyq muǵalimderdiń aıryqsha qyzyǵýshylyǵyn týǵyzdy.

– Biz kún saıyn Astana men Bakýde Qazaqstandaǵy áriptes­teri­mizdiń nemen tańǵaldyratynyn asyǵa kútip júrdik. Sheberlik ortalyǵynyń zamanaýı muǵalimniń jetistigi ózine degen senimdilikten bastalady degeni senimimdi arttyrady, – dedi Ázer­baıjannyń eńbek sińirgen muǵalimi Flora Alıeva.