Belgili jazýshy, Halyqaralyq Alash ádebı syılyǵynyń ıegeri Turlybek Mámeseıit ómirden ozdy. Qaıǵyly habardy Qazaqstan Jazýshylar odaǵy Astana fılıalynyń dırektory, aqyn Dáýletkereı Kápuly Facebook paraqshasynda jarııalady, dep habarlaıdy Egemen.kz.
Turlybek Mámeseıit 1949 jyldyń 17 aqpanynda dúnıege kelgen.
1975 jyly Qazaq Ulttyq Ýnıversıtetiniń jýrnalıstıka fakýltetin bitirgen.
«Jetisý» gazetinde, 1977-1995 jj. «Jazýshy» baspasynda redaktor, aǵa redaktor, redaksııa meńgerýshisi bolyp jumys istedi. 1996 jyldan 1998 jylǵa deıin «О́ner» baspasynda bas redaktor, 1998-1999 jyldary «Raýan» baspasynda jetekshi redaktor bolyp qyzmet atqardy. 1999 - 2001 jyldar aralyǵynda «Atamura» korporasııasynda redaktor, 2001-2008 jyldary Astanadaǵy «Elorda» baspasynda Bas redaktor bolyp qyzmet istegen. 2008 jyldan Astana-Polıgrafııa AQ Baspa basqarmasynyń Bas redaktory bolyp eńbek etti.
«Toǵysqan tolqyn», «Zerdelilik aınasy», «Dıdar» atty ádebı syn, «Betoramal», «Túsime taý kire di», «Besik pen nesip», «Plach ohotnıka», «Áýlıe-shoqy», «Tektini kegi», «Taý», «Qarqara kóterilisi», «Jasyn túsken maýsym» atty áńgimeler, hıkaıattar men povester jınaǵynyń, «Tańjaryq» romanynyń avtory.
Soqtaly shyǵarmalary qyrǵyz, túrikmen, orys, qytaı tilderine aýdaryldy.
«Taýda ósken ul» povesi baspa komıteti men «Jalyn» baspasynyń jabyq báıgesinde syılyqqa ıe bolǵan.
«Egiz eldiń áýeıi», «Sherhan Murtaza» atty zertteý eńbekteriniń avtory. Fılologııa ǵylymdarynyń kandıdaty. Sońǵy jyldary M.Áýezov atyndaǵy Akademııalyq drama teatrynda «Bákeı qyz» atty dramasy sahnalandy.
1996 jyly Jambyldyń 150 jyldyǵyna oraı Jambyl atyndaǵy Halyqaralyq syılyqqa ıe bolsa, 2000 jyly «Áýlıeshoqy» atty povester jınaǵy úshin Halyqaralyq «Alash» ádebı syılyǵynyń laýreaty atandy. «Astananyń 10 jyldyǵy» medalimen marapattalǵan.