Qazaqstan musylmandary dinı basqarmasy janynan Din men dástúr bólimi quryldy, dep habarlaıdy Egemen.kz.
Ulttyq mereke Respýblıka kúnine oraı, dinı basqarma birqatar ulttyq dástúrdi nasıhattaıtyn shara uıymdastyrady.
Atap aıtqanda, Ortalyq meshit aýlasynda kıiz úıler tigip, ulttyq oıyndar uıymdastyrý josparlanyp otyr. Balalarǵa arnap batýt pen oıyn átkenshekteri qoıylyp, meshit alańynda búldirshinderge táttiler taratylyp, ulttyq naqyshta qaıyrymdylyq jármeńkeleri ótkiziledi.
Bas múftı Naýryzbaı qajy Taǵanulynyń tapsyrmasymen arnaıy merekelik rolık ázirlenip, qolóner ónimderi men kallıgrafııa kórmelerin jasaý, meshitter aýlalary men saıabaqtarda jamaǵattyń járdemimen senbilikter jasalyp, eriktilerdiń kómegimen qart kisilerge azyq-túlik sebetterin úlestirý sharalary ótedi.
«Eń úlken sharamyz – Bas meshitte «Respýblıka kúnine oraı Quran Kárimdi jatqa oqýdan I Halyqaralyq baıqaý» ótkizýdi josparlap otyrmyz», dedi bas múftı.
Din jáne dástúr bóliminiń jetekshisi bolyp Nurbek Esmaǵanbet taǵaıyndaldy.