Qytaı qalasy Hanchjoýda ótip jatqan XIX jazǵy Azııa oıyndarynda Qazaqstan sportshylary jergilikti jankúıerlerdiń ystyq yqylasyna bólenip jatyr, dep jazady Egemen.kz.
Týrızm jáne sport mınıstrligi baspasóz qyzmetiniń habarlaýynsha bizdiń quramaǵa Qytaıda oqyp jatqan stýdentter, qandastarmen qatar jergilikti sport jankúıerleri de qoldaý bildirip otyr.
«Qazaqstan dzıýdoshylarynyń beldesýlerin kórdim. Jaqsy óner kórsetti», deıdi Hanchjoý turǵyny Den Iýe.
Sondaı-aq Azıadada júrgen eriktilerdiń arasynda Qazaqstan sportshylaryna qoldaý bildiretinder kóp. Olardyń kóbi Dımash Qudaıbergenniń jankúıerleri eken. Jastardan bólek, álemge áıgili ánshiniń ónerin baǵalaıtyn eresekter de otandas sportshylarǵa ystyq yqylas bildirip jatyr.
«Iıa men ol ánshini (Dımashty) bilemin, konsertte kórdim, óte keremet! Qazaqstannyń sportshylary men jankúıerlerine alystan kelip, Azıadaǵa qatysqandary úshin alǵys bildiremiz. Bul óz eline jáne sportqa degen súıispenshiliktiń dáleli», deıdi Azııa oıyndaryn tamashalaýǵa Beıjińnen kelgen Lıý Penchjan.