Qazaqstanda jyl saıyn 10 myńnan astam órt bolady. Bul týraly QR Tótenshe jaǵdaılar mınıstrligine qarasty О́rtke qarsy qyzmet komıteti tóraǵasynyń orynbasary Marǵulan Amanbaev Ortalyq kommýnıkasııalar qyzmetinde ótken brıfıng barysynda aıtty, dep habarlaıdy Egemen.kz.
«Elimizde jyl saıyn 10 myńnan astam órt bolyp, úsh júzden astam adam qaza tabady. Bul rette órt pen ólimniń negizgi úlesi turǵyn úı sektorynda tirkeldi», dedi Marǵulan Amanbaev.
Sondaı-aq ol respýblıkada osy jyldyń 1 qazanynan bastap jylytý maýsymy bastalatynyn aıtty. Jyl basynan beri el boıynsha 7560 órt oqıǵasy tirkelip, 229 adam qaza tapty.
«О́tken jylmen salystyratyn bolsaq, órt 6,8 paıyzǵa, adam ólimi 6,5 paıyzǵa ósken. О́ńirler boıynsha statıstıkaǵa kóshetin bolsaq, órttiń ósýi Abaı (46%), Almaty (33%), Qostanaı (26%), Jambyl (20%) oblystarynda baıqalady. Qaıtys bolǵandar sany Jambyl oblysynda (11 jaǵdaı), Shyǵys Qazaqstanda (9 jaǵdaı), Shymkent (8 jaǵdaı) jáne Almaty qalalarynda (5 jaǵdaı) ósti», dedi Marǵulan Amanbaev.
Sondaı-aq QR Tótenshe jaǵdaılar mınıstrligi О́rtke qarsy qyzmet komıteti tóraǵasynyń orynbasary búgingi kúni turǵyn úı sektorynda jaraqat alý faktileri tirkelgenin atap ótti.
Máselen, Semeı qalasynda qyrkúıek aıynyń ózinde qatty otynmen jylytatyn peshti paıdalaný erejesin buzý saldarynan tórt adam ýlanyp, aýrýhanaǵa jatqyzylǵan eki oqıǵa tirkeldi.