Túrkistan oblysynyń týmasy 3 keliden astam sıntetıkalyq esirtki óndirgen, dep habarlaıdy Egemen.kz.
«2002 jylǵy azamat bastapqyda esirtki saýdasymen aınalysqan. Keıin ol ózin sıntetıkalyq preparattardy óńdeý jáne tazartý salasynda «hımık» retinde synap kórgen. Jas laborant nusqaýlyqtardy ınternet arqyly alǵan. Ol esirtkini jasyryn túrde óndirip, iri mólsherde saqtaǵan», deıdi Almaty qalalyq PD esirtkige qarsy kúres basqarmasynyń basshysy.
Tintý kezinde polısııa qyzmetkerleri túrli tústi belgisiz zattar salynǵan túrli ydystardy, arnaıy zerthanalyq shyny ydystar, elektrondy tarazylar, hosh ıistendirgishter, qolǵaptar, maskalar jáne sıntetıkalyq psıhotroptyq zatty óndirýde qoldanylatyn basqa da zattardy tárkiledi.
Atalǵan fakti boıynsha Qylmystyq kodekstiń 296-baby, 4-bóligi boıynsha qylmystyq is qozǵaldy. Esirtki satýshy ýaqytsha ustaý ızolıatoryna qamaldy.