Abaı oblysyna qarasty Kýrchatov qalasynda 64 otbasy baspanaly boldy. Bul týraly oblys ákimdiginiń baspasóz qyzmeti habarlady, dep jazady Egemen.kz.
Atap aıtqanda, ata-anasynyń qamqorlyǵynsyz qalǵan 18 balaǵa, 6 kópbalaly otbasyǵa, 40 tolyq emes otbasyǵa jáne múmkindigi shekteýli balalardy tárbıelep otyrǵan jandarǵa jańa páter kilti tabystaldy.
Baspanaly bolǵandardyń arasynda 78-jasar Kýrchatov qalasynyń turǵyny 6 balaly «Altyn alqa» ıegeri Bahtkan Mýlıkova bar. Keıýana jaqyndap qalǵan «Qarttar kúni» merekesi qarsańynda baspanaly boldy.
Kýrchatov qalasynyń ákimi Bolat Ábdiralıev turǵyndardy qonysymen quttyqtap, aldaǵy ýaqytta da turǵyn úılerdi qalpyna keltirý jumystary jalǵasatynyn aıtty.