Azııa oıyndarynyń besinshi jarys kúninde Qazaqstan komandasy eki altyn, bir kúmis, alty qola jeńip aldy, dep jazady Egemen.kz.
Stend atýdan skıt baǵdarlamasy boıynsha aralas komandalyq saıysta Ásem Orynbaı/Edýard Eshenko juby fınalda Kýveıtten basym túsip, altynnan alqa taqty.
Nysana kózdeýden Zýhra Irnazarova altyn medal aldy. 10 metr qashyqtyqtan jyljymaly nysanaǵa oq atý saıysynda 18 jastaǵy sportshymyzǵa eshkim teń kelmedi. Sonymen qosa, 10 metr qashyqtyqtan jyljymaly nysanaǵa oq atý saıysynda Qazaqstan áıelder quramasy (Zýhra Irnazarova, Fatıma Irnazarova, Aleksandra Sadýaqasova) 2-orynǵa ıe bolyp, kúmis júlde aldy.
Jaǵajaı voleıbolynan juptyq básekede Dmıtrıı Iаkovlev pen Sergeı Bogatý qola medal úshin matchta Iran komandasyn jeńdi, esep 2:0 (25:23, 30:28).
Sporttyq gımnastıkadan at snarıadynda óner kórsetken 25 jastaǵy Narıman Qurbanov qola júldege qol jetkizdi, otandasymyz 15.100 upaı jınady.
50 metrge batterflıaı ádisimen júzý jarysynda Ádilbek Mýsın qola júldege ıe boldy. Bul onyń Azıadadaǵy ekinshi qola medali. 27 qyrkúıekte ol 100 metr qashyqtyqtaǵy osy ádis boıynsha da qola medal alǵan bolatyn.
Taekvondodan ulttyq quramanyń sportshylary Denız Jansel (+67 kg) jáne Smaıyl Dúısebaı (+80 kg) Azııa oıyndarynyń qola júldegerleri atandy.
Semserlesýden erler quramasy (Muhamedalı Rahmanáli, Nazarbaı Sattarhan, Janat Nábıev, Artem Sarkısıan) komandalyq jarysta qola medal jeńip aldy.
Bokstan Aslanbek Shymbergenov qytaılyq qarsylasyn jeńip, jarystyń kelesi kezeńine ótti.
5x5 basketboldan Qazaqstannyń erler komandasy BAÁ quramasyn 59:49 esebimen jeńdi.
3x3 basketboldan otandastarymyz Taılandtan 19:16 esebimen úzdik shyqty.
Ústel tennısinen Kırıll Gerasımenko 1/8 fınalynda vetnamdyq sportshyny 4-0 esebimen utty.
Sý dobynan áıelder quramasy Ońtústik Koreıa komandasyn 24:4 esebimen oısyrata jeńdi.
23–28 qyrkúıek kúnderi aralyǵyndaǵy jalpy qorytyndy boıynsha Qazaqstan quramasynyń qorjynynda 3 altyn, 3 kúmis jáne 16 qola júlde bar.