2023 jylǵy 19-21 qazan aralyǵynda «EHRO» HKO aýmaǵynda elimizdiń XIV jyl saıynǵy «KazAgro/KazFarm-2023» halyqaralyq agrarlyq kórmeleri ótedi, dep habarlaıdy Egemen.kz.
«KazAgro/KazFarm» – aýyl sharýashylyǵy salasyn turaqty damytýǵa jáne agroónerkásiptik keshenge zamanaýı tehnologııalardy engizýge baǵyttalǵan biregeı kórmeler. Bul agroónerkásip salasyndaǵy jahandyq ınnovasııalardy usynýǵa arnalǵan kásibı alań.
«KazAgro» elimizdegi ósimdik sharýashylyǵynyń eń iri kórmesi, onda tuqym seleksııasy, zamanaýı tehnologııalar men jabdyqtar, aýyl sharýashylyǵy ónimderin óndirý, logıstıka boıynsha qyzmetter kórsetý syndy máseleler kóteriledi.
«KazFarm» – embrıondardan bastap, daıyn ónimge deıin jáne mal sharýashylyǵynyń ártúrli salalaryndaǵy qyzmetterge deıin tolyq qamtylǵan Qazaqstandaǵy mal sharýashylyǵy men et-sút ónerkásibiniń kórmesi. Agroónerkásip keshenin turaqty damytyp, zamanaýı tehnologııalardy engizýge baǵyttalǵan Qazaqstandaǵy keńinen nasıhattalǵan aýyl sharýashylyǵy is-sharalarynyń biri.
«KazAgro/KazFarm-2023» halyqaralyq kórmelerinde Qazaqstannyń AО́K-de agrarlyq ǵylymnyń sońǵy álemdik jetistikterin engizýge yqpal etetin jetekshi álemdik agrokonsernderdiń, ınnovasııalyq tehnologııalar men agrarlyq sektordy damytý baǵdarlamalarynyń birqatar jańa aýyl sharýashylyǵy tehnıkalary men jabdyqtary usynylatyn bolady.
Jyl saıyn KAZAGRO jáne KAZFARM alańdary halyqaralyq aýyl sharýashylyǵy kórmelerine qatysýshy 1000-nan astam delegat jınaıdy. Bul kórmeler elimizdiń taýar ónimdiligin kórsetip qana qoımaı, álemniń túrli elderi arasyndaǵy qarym-qatynasty nyǵaıtady. Atalǵan is - shara 20 elden 200-den astam kompanııany biriktiredi, sonyń ishinde: Avstrııa, Belarýs, Germanııa, Ispanııa, Kanada, Qytaı, Polsha, Reseı, AQSh, Túrkııa, Ýkraına, Italııa, Qazaqstan jáne t.b.
Kórmelerdiń iskerlik baǵdarlamasy jetekshi sala mamandarynyń, aýyl sharýashylyǵy kásiporyndary men ınnovasııalyq ortalyqtardyń basshylarynyń qatysýymen prezentasııalar, bıznes-mıssııalar jáne birqatar semınarlardy ótkizýdi kózdeıdi.
Halyqaralyq kórmelerdiń basty oqıǵasy TMD-ǵa múshe memleketterdiń qatysýymen azyq-túlik qaýipsizdigi salasyndaǵy yntymaqtastyq jónindegi mınıstrlik konferensııasy bolmaq.
Kórmeler Qazaqstan Respýblıkasynyń Aýyl sharýashylyǵy mınıstrligi, Germanııanyń azyq-túlik jáne aýyl sharýashylyǵy federaldy mınıstrligi jáne Astana qalasynyń ákimdiginiń resmı qoldaýymen ótedi.
Aıta keteıik, «KazAgro/KazFarm-2023» halyqaralyq kórmeleriniń resmı ashylý saltanaty 2023 jylǵy 19 qazanda saǵat 11:00-de bastalady.