Qytaıdyń Hanchjoý qalasynda ótip jatqan HIH jazǵy Azııa oıyndarynda 76 keli salmaq dárejesinde kúreske túsken Jámıla Baqbergenova fınaldyq beldesýge ótti. Ol jazǵy Azııa oıyndarynyń altyn medali úshin qyrǵyz balýany Aıperi Medetqyzymen beldesedi, dep habarlaıdy Egemen.kz.
Egizdiń syńary, álem chempıonatynyń úsh dúrkin júldegeri, Azııa birinshiliginde úsh márte top jarǵan Jámılanyń qazaq sportynyń tarıhynda jylnamany jańalaıtyn sáti týyp tur. Olaı deıtinimiz, elimizdiń sportshylary jazǵy Azııa oıyndaryna 1994 jyldan beri turaqty túrde qatysyp keledi. Áıelder kúresinen 30 jyldyń ishinde jazǵy Azııa oıyndarynda qyzdarymyz tek bir ret chempıon atandy. 2010 jyly Qytaıdyń Gýanjoý qalasynda ótken jazǵy Azııa oıyndarynda Elena Shalygına altyn medal ıelendi. Sodan beri arada bir múshelden asa ýaqyt ótti, qyzdarymyz qaırat tanyta almaı keledi. Elenanyń Reseıden kelgenin eskersek, Jámıla baryn salsa, qazaq sportynyń tarıhynda jazǵy Azııa oıyndarynyń altynyn alǵan alǵashqy balýan atanary sózsiz. Degenmen qarsylasy da ońaıdan emes, namysty qaıraý kerek qalaıda.