Qytaıdyń Hanchjoý qalasynda ótken jazǵy Azııa oıyndarynda elimizden barǵan 524 sportshy 10 altyn, 22 kúmis, 48 qola medal ıelendi. Týrızm jáne sport mınıstrligi tarapynan sportshylarǵa syıaqy beriledi, dep habarlaıdy Egemen.kz.
Sportshylarǵa memleket tarapynan jetken jetistikterine sáıkes syıaqy beriledi. Máselen, jazǵy Azııa oıyndarynda chempıon bolǵan altyn medal ıegerleri 10 myń AQSh dollary mólsherinde syıaqy alady. Kúmis medal oljalaǵandarǵa 5 myń AQSh dollary, qola júldegerlerge 3 myń AQSh dollary beriledi.
Bapkerler de syıdan kende qalmaıdy. Azııa oıyndarynda shákirti chempıon atanǵan jattyqtyrýshyǵa 5 myń AQSh dollary beriledi. Kúmis medal alǵan sportshynyń jeke bapkerine 3 myń AQSh dollary, qola júldegerdi baptaǵan jattyqtyrýshy 2 myń AQSh dollary kóleminde syıaqy alady.