Izraıldik BAQ jeksenbi kúni keshke Palestına ıslamdyq qarsylasý qozǵalysynyń (HAMAS) Izraılge buryn-sońdy bolmaǵan tosyn shabýylynan qaza tapqandardyń sany 700-ge jetkenin habarlady, dep jazady Egemen.kz Sınhýa aqparat agenttigine silteme jasap.
Izraıldiń memlekettik telearnasy úkimet sheneýnikterine silteme jasap, HAMAS-tyń bóliný tosqaýylyn buzyp ótip, jaqyn mańdaǵy eldi mekenderge jasaǵan birlesken shabýylynan keminde 700 adam qaza tapqanyn habarlady. Sonymen qatar Gaza sektorynda da júzdegen adam qaza tapty. Gazadan Izraıldiń ońtústik jáne ortalyq aımaqtaryna 3 myńǵa jýyq zymyran atylǵan.
Jeksenbi kúni keshke Izraıldiń Densaýlyq saqtaý mınıstrligi Izraıl aýrýhanalaryndaǵy jaralanǵandar sanyn jańartty, keminde 2243 adamnyń jaralanǵanyn, onyń 22-si aýyr halde ekenin habarlady.
Evreı memleketiniń áskeri jaǵdaıdy áli tolyq baqylaýda ustamaǵan Izraıldiń ońtústiginde HAMAS sodyrlary Gaza mańyndaǵy birneshe eldi mekende ızraıldik sarbazdarmen oq almasýdy jalǵastyryp jatyr.
Izraıl qorǵanys kúshteriniń logıstıkalyq qolbasshylyǵy ońtústik aımaqtardyń turǵyndaryn úıden shyqpaýǵa shaqyrdy.
Osy ýaqytta Gazadaǵy Palestına Densaýlyq saqtaý mınıstrligi taratqan málimdemege qaraǵanda, Izraıldiń Gazadaǵy áýe shabýyldary kem degende 370 palestınalyqty óltirip, taǵy 2200-in jaralaǵan.