Dollardyń teńgege shaqqandaǵy baǵamy azdap kóterildi, dep habarlaıdy Egemen.kz Qazaqstan qor bırjasynyń (KASE) málimetterine silteme jasap.
Kúndelikti saýdanyń nátıjesinde dollardyń ortasha saralanǵan baǵamy 0,05 teńgege kóterilip, 477,21 teńgeni qurady. Aıta keteıik, Ulttyq banktiń 10 qazandaǵy bir dollarǵa arnalǵan resmı baǵamy 477,02 teńgeni quraıdy.
Kurs.kz habarlaǵandaı, dál qazir Astanadaǵy aqsha aıyrbastaý oryndarynda amerıkalyq valıýta orta eseppen 474,95 teńgeden satyp alynyp, 479,99 teńgeden satylyp jatyr. Almatynyń aqsha aıyrbastaý oryndarynda dollardy satyp alýdyń ortasha baǵamy 477,45 teńgeni, satylymy 479,71 teńgeni qurap otyr.