Jetisý oblysynyń Kóksý aýdanynda jeńil kólik pen «GAZ» júk kóligi soqtyǵysyp, toǵyz adam zardap shekti, onyń tórteýi balalar, dep habarlaıdy Egemen.kz.
Oblystyq polısııa departamentiniń málimetinshe, jol-kólik oqıǵasy 14 qazanda Eńbekshiqazaq aýylynyń mańynda bolǵan.
«Jaraqat alǵan 9 adam oqıǵa ornynan aýrýhanaǵa jetkizildi, onyń ekeýi eki kóliktiń júrgizýshisi. Medısınalyq tekserýden keıin olar ambýlatorlyq emdeýge jiberiledi. Qalǵan jeteýi dárigerlerdiń baqylaýynda. Olardyń arasynda 2011, 2018, 2019, 2021 jyly týylǵan tórt kámeletke tolmaǵan balalar bar», dep habarlady Jetisý oblystyq polısııa departamentiniń baspasóz qyzmeti.
Atalǵan fakti boıynsha sotqa deıingi tergeý amaldary bastalyp, birqatar saraptama taǵaıyndaldy. Eki kólik te arnaıy turaqqa qoıyldy.