Prezıdent Qasym-Jomart Toqaev joǵary deńgeıdegi «Bir beldeý, bir jol» bastamasynyń III forýmyna qatysatyn delegasııa basshylarynyń qurmetine oraı QHR Tóraǵasy Sı Szınpınniń atynan uıymdastyrylǵan resmı qabyldaýǵa bardy. Bul týraly Aqordanyń baspasóz qyzmeti habarlady, dep jazady Egemen.kz.
Memleket basshysy joǵary deńgeıdegi «Bir beldeý, bir jol» forýmynyń aıasynda beıresmı jaǵdaıda Indonezııa Prezıdenti Djoko Vıdodomen, Pákistan Premer-mınıstriniń mindetin atqarýshy Anvar-ýl-Hak Kakarmen, Mońǵolııa Prezıdenti Ýhnaagıın Hýrelsýhpen, О́zbekstan Prezıdenti Shavkat Mırzıeıovpen, Majarstan Premer-mınıstri Vıktor Orbanmen, Túrikmenstan Halk Maslahatynyń Tóraǵasy Gýrbangýly Berdimuhamedovpen jáne BUU Bas hatshysy Antonıý Gýterrıshpen júzdesti.
Áńgimelesý barysynda memleketter basshylary aımaqtyq jáne halyqaralyq kún tártibindegi ózekti máseleler jóninde pikir almasty. Sondaı-aq ózara yntymaqtastyqty damytý perspektıvalaryn talqylady.