Aqtaýda qazirgi zamanǵa saı ınterpretasııalanǵan etnostyq «Bozjyra Fashion Week» sán kórsetiliminiń II maýsymy ótti.
Sán kórsetiliminde saq-massagetterdiń aty ańyzǵa aınalǵan hanshaıymy Tumardyń obrazy ulyqtaldy. Hanshaıymnyń esimi parsy patshasy Kırdi shaıqasta oısyrata jeńýmen tarıhta qalǵan. Tumar hanshaıym kóshpeli taıpalardyń basyn qurap, jaýlaryna laıyqty toıtarys berip, halqynyń bostandyǵyn saqtaǵan.
«Bozjyra Fashion Week» kórsetilimi arqyly tarıhta óshpes iz qaldyrǵan túrki áleminiń naǵyz batyrlary týraly aıtqymyz keledi. Bul batyrlar búkil halyqty dostyqpen, bostandyq rýhymen, bir-birine jáne túrki murasyna mahabbatpen biriktire bilgen tulǵalar. Bul maýsymda elimizdiń jáne sheteldik dızaınerler qatysatyn úlken Fashion Show ótkizdik», deıdi uıymdastyrýshy Lýrena Doskeeva.
Uıymdastyrýshylardyń aıtýynsha, «Bozjyra Fashion Week» sán aptalyǵyn ótkizýdegi taǵy da bir negizgi maqsat – óz isterin jańadan bastap jatqan talantty dızaınerlerge qoldaý kórsetý.
«Aqtaý qalasynda mundaı aptalyq keń aýqymda alǵash ret ótti. Bul bolashaqta álemdegi etnostyq sánge áser etetin tutas qaýymdastyq qura alatyn túrki áleminiń brendteri men dızaınerleriniń biregeı kollaborasııasyn qurýdyń tamasha múmkindigi», deıdi PR-maman jáne «Collabo Me» shyǵarmashylyq kollaborasııa agenttiginiń bas dırektory Jámıla Hangeldına.
Sonymen qatar qazaqstandyq zergerlik buıymdar brendi premıým toptamasyn alǵash ret kórsetti. Bul gaýhar tastarmen bezendirilgen taza kúmisten jasalǵan shyǵarylymy shekteýli jańa toptama. «О́ıtkeni kúmis – qundy metall, al gaýhar – eń baǵaly tas. Bizdiń dızaın qazirgi qazaq áıeliniń estetıkalyq túısigimen tyǵyz baılanysty. Mahabbat, óner, dástúrdi ár áshekeı ózimen birge «alyp» júredi. Biz zamanǵa saı ınterpretasııalanǵan tarıhı tamyry bar áshekeılerdi jasaımyz», deıdi «Dimash Silver»zergerlik buıymdar brendiniń negizin qalaýshysy Altynaı Áshirbaeva.