Qaýipsizdik Keńesiniń hatshysy Ǵızat Nurdáýletov Túrki memleketteri uıymyna (TMU) múshe elderdiń qaýipsizdik keńesteri hatshylarynyń Tashkentte ótken ekinshi kezdesýine qatysty.
Jıyn barysynda TMU keńistigindegi qaýipsizdik pen turaqtylyqty qamtamasyz etýge baılanysty kóptegen másele talqylandy.
Taraptar halyqaralyq jáne óńirlik kún tártibindegi ózekti máseleler boıynsha, sonyń ishinde kıberqylmysqa qarsy kúres, terrorızm men ekstremızmge, esirtki trafıgine, adam saýdasyna qarsy is-qımyl, tótenshe jaǵdaılardyń aldyn alýǵa jáne joıýǵa baǵyttalǵan yqpaldastyqty keńeıtý baǵyttaryndaǵy yntymaqtastyqty damytý jóninde pikir almasty.
Ǵızat Nurdáýletov áriptesterine halyqaralyq jáne óńirlik qaýipsizdiktiń qazirgi ózekti máselelerine qatysty Qazaqstannyń ustanymy jaıynda málimet berdi. Sonymen qatar elimizdiń múddesin eskere otyryp, Túrki memleketteri uıymy aıasyndaǵy yntymaqtastyqty odan ári damytý jóninde birqatar usynys aıtty.
Jıyn sheńberinde Qazaqstan Respýblıkasy Qaýipsizdik Keńesiniń hatshysy Ǵızat Nurdáýletov О́zbekstan Respýblıkasy Qaýipsizdik Keńesiniń hatshysy Vıktor Mahmýdov jáne Túrkııa Respýblıkasy Ulttyq Qaýipsizdik Keńesiniń Bas hatshysy Seıfýlla Hadjımúftýoglýmen ekijaqty kezdesýler ótkizdi.
Kezdesýler barysynda óńirlik qaýipsizdiktiń, sondaı-aq Qazaqstan Respýblıkasynyń Túrki memleketteri uıymyndaǵy seriktesterimen aradaǵy ekijaqty yqpaldastyqtyń ózekti máseleleri talqylandy.