Qurmetti otandastar! Ulttyq mereke – Respýblıka kúnimen shyn júrekten quttyqtaýymdy qabyl alyńyzdar! 25 qazan – elimizdiń tarıhyndaǵy mańyzdy kúnderdiń biri. 1990 jyly naq osy kúni Qazaq KSR-niń Memlekettik egemendigi týraly Deklarasııa qabyldandy.
Deklarasııa elimizdiń egemendigin jarııalady jáne Qazaqstannyń táýelsiz memleket retindegi saıası-quqyqtyq negizderin pash etti. Onda alǵash ret terrıtorııanyń tutastyǵy, bólinbeıtindigi jáne qol suǵylmaýshylyǵy, halyqtar mádenıeti men olardyń tilderin damytý, ulttyq biregeılikti nyǵaıtý sııaqty memlekettilik qaǵıdattary bekitildi. Qazaqstan óziniń damý baǵytyn tańdap, qalyptasýdyń qıyn kezeńderinen ótip, álemdik qoǵamdastyqta tanylǵan táýelsiz, egemen memleketke aınaldy.
«ArselorMıttal Temirtaý» AQ áleýmettik baǵdarlanǵan kompanııa retinde otandastardyń ál-aýqatyn jaqsartýǵa, eńbek úshin jaǵdaı jasaýǵa barynsha kúsh salyp keledi.
Respýblıka kúni – birlik, rýhanı kelisim jáne beıbitshilik merekesi. Árbir azamattyń uıymshyldyǵynyń, adal eńbeginiń arqasynda Qazaqstan barlyq baǵyt boıynsha senimdi damýdy jáne álemdik arenadaǵy jaǵdaıyn nyǵaıtýdy jalǵastyryp keledi. Týǵan jerge degen súıispenshilik, birlik pen ózara syılastyq eń órshil maqsattardy júzege asyrýǵa kómektesetinine senimdimin.
Qazaqstannyń barsha halqyna zor densaýlyq, qut-bereke, beıbitshilik pen kelisim, ıgi dástúrlerdi nyǵaıtýda jańa tabys tileımin!
V. I. Iаblonskıı,
«ArselorMıttal Temirtaý» AQ Bas dırektory