Qytaıdyń Hanchjoý qalasynda ótip jatqan IV jazǵy Azııa para oıyndarynda sportshylarymyz mereıimizdi asyryp jatyr. Dzıýdodan 73 kelige deıingi salmaqta beldesýge túsken Oljas Orazáliuly chempıon atandy, dep habarlaıdy Egemen.kz Týrızm jáne sport mınıstrliginiń baspasóz qyzmetine silteme jasap.
J2 sanaty boıynsha kúresken Oljas fınaldyq beldesýde ózbek sportshysy Ferýz Saıdovty aıqyn utty.
«Paradzıýdoshymyz óziniń joǵary kásibı deńgeıin taǵy bir márte dáleldedi. Oljasty Azııa para oıyndarynyń altyn medalin jeńip alýymen quttyqtaımyn», dedi Týrızm jáne sport mınıstri Ermek Marjyqpaev.