Respýblıka kúni qarsańynda el damýyna eleýli úles qosyp júrgen bir top azamat memlekettik marapattarǵa ıe boldy. Prezıdent Qasym-Jomart Toqaevtyń Jarlyǵymen eldiń áleýmettik-ekonomıkalyq jáne mádenı-rýhanı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi, belsendi qoǵamdyq qyzmeti úshin birqatar azamat memlekettik nagradalarmen marapattaldy.
Olardyń qatarynda óndiristik salanyń, bıznestiń, bilim berý, densaýlyq saqtaý salalarynyń kórnekti ókilderi, áskerı qyzmetshiler, quqyq qorǵaý organdarynyń qyzmetkerleri, sportshylar, eńbek ardagerleri, mádenıet jáne ǵylym qaıratkerleri bar. Mádenıet jáne aqparat mınıstri Aıda Balaeva saltanatty jıynǵa qatysýshylardy ulttyq mereke – Respýblıka kúnimen quttyqtady.
«1990 jyly 25 qazanda egemendik týraly deklarasııa qabyldandy. Bul bizdiń Táýelsizdigimizge degen alǵashqy mańyzdy qadam boldy. О́tken jyly Qasym-Jomart Kemelulynyń bastamasymen Respýblıka kúnine ulttyq mártebe qaıtaryldy. Bul kún búkil elimizdiń rýhyn kóteretin jáne onyń bolashaǵyn nyǵaıtatyn jalpyhalyqtyq birliktiń sımvolyna aınaldy. Igi dástúr boıynsha Memleket basshysynyń Jarlyǵymen eldiń mádenı-rýhanı damýyna eleýli úles qosqan birqatar azamat joǵary nagradalarǵa ıe boldy. О́z eńbekterińizben sizder ulttyń, mádenıettiń, ádebıettiń, ónerdiń rýhanı baılyǵyn damytýǵa yqpal etip kelesizder. Prezıdenttiń tapsyrmasy boıynsha sizderge laıyqty marapattardy tapsyrýǵa ruqsat etińizder», dedi A.Balaeva.
«Parasat» ordenimen «Eýrazııalyq medısınalyq qaýymdastyq» ZTB basqarma tóraǵasy Nadejda Petýhova, «Qurmet» ordenimen «Qazaq ulttyq óner ýnıversıteti» RMM professory Roza Muqanova jáne qoǵam qaıratkeri, Prezıdent janyndaǵy Áıelder isteri jáne otbasylyq-demografııalyq saıasat jónindegi Ulttyq komıssııa tóraǵasynyń orynbasary Lázzat Ramazanova marapattaldy. Al «Egemen Qazaqstan» gazetiniń ardegeri Qaısar Álim «Qurmet» ordenin, osy basylymnyń jaýapty hatshysy Samat Musa «Eńbek ardageri» medalin ıelendi. Sondaı-aq elýden astam adam «Eren eńbegi úshin» medalimen, vedomstvolyq nagradalarmen, qurmet gramotalarymen jáne alǵyshattarmen marapattaldy.
«Biz sizderge árqashan qoldaý kórsetemiz jáne Otan ıgiligi úshin jumys isteýdi jalǵastyrýlaryńyz úshin jaǵdaı jasaımyz. Sizderdiń jas urpaqty tárbıeleýge qosyp júrgen ólsheýsiz úlesińiz ben jarqyn bolashaqqa degen umtylysyńyzǵa baǵa jetpeıdi. Bul bizdiń elimizdi órkendetetin negizgi faktorlar», dep sózin qorytyndylady Mádenıet jáne aqparat mınıstri.