Meksıkada jalaýy jelbiregen WTA qorytyndy týrnırinde álemniń 4-raketkasy Elena Rybakına alǵashqy matchynda jeńilip qaldy.
Kankýn qalasynda ótip jatqan dodada E.Rybakına álemniń 5-raketkasy, amerıkalyq Djessıka Pegýlaǵa 5:7, 2:6 esebimen ese jiberdi. 1 saǵat 24 mınýtqa sozylǵan matchta jerlesimiz 5 eıs jasap, 7 breık-poınttyń ekeýin ǵana paıdalandy. Qarsylasy 2 eıs, 5 breıkpen (7 breık-poınt) kózge tústi.
Bul topta oınaıtyn álemniń birinshi raketkasy, Belarýs ókili Arına Sobolenko reıtıngte 9-orynda turǵan grekııalyq Marııa Sakkarıdi 6:0, 6:1 esebimen utty.
WTA qorytyndy jarysyna alǵash ret qatysyp jatqan E.Rybakına kelesi oıynyn M.Sakkarımen ótkizedi. Sodan keıin A.Sobolenkomen kezdesedi. Jartylaı fınalǵa shyǵý úshin jerlesimizge qalǵan eki kezdesýde qarsylastarynan basym túsý qajet.