Májilis spıkeri Erlan Qoshanovtyń tóraǵalyǵymen Bıýro otyrysy ótip, aldaǵy jalpy otyrystyń kún tártibi naqtylandy.
Depýtattardyń talqylaýyna Estonııamen adamdardyń readmıssııasy týraly úkimetaralyq kelisimdi ratıfıkasııalaý týraly zań jobasyn qaraý usynylady.
Qujat eki el arasyndaǵy yntymaqtastyq tetigin qurýǵa, sondaı-aq zańsyz kóshi-qonǵa qarsy kúrestiń tıimdiligin arttyrýǵa múmkindik beredi. Kelisim Qazaqstan men Estonııa aýmaqtarynda ulttyq zańnamalardy buzǵan adamdardy qabyldaý, berý jáne tranzıtteý máseleleri boıynsha taraptardyń quzyretti organdary arasyndaǵy qarym-qatynasty retteıdi. Sonymen qatar aqparattyq qaýipsizdik máseleleri boıynsha ózgerister men tolyqtyrýlar engizý týraly zań jobasyn ekinshi oqylymda qaraý usynyldy.
Jalpy otyrysta Túrki memleketteri uıymyna múshe elderdiń úkimetteri arasyndaǵy ońaılatylǵan keden dálizin qurý týraly kelisimdi ratıfıkasııalaý týraly zań jobasyn jumysqa alý kózdelip otyr.