Talaptyǵa – 1 mıllıon teńge

Aqyl Battle Cup» respýblıka­lyq zııatkerlik oıyny Mádenıet jáne aqparat mınıstrliginiń qol­daýymen bıyl alǵash ret ótkizildi. Bilim báıgesiniń basty maqsaty – memlekettik tildi jastar arasynda bilim men birliktiń negizgi belgisi retinde nasıhattaý. Zııatkerlik shaı­qas «Til taǵdyry – el taǵdyry» jobasy aıasynda 2025 jyldyń sońyna deıin jyl saıyn ótkiziledi dep josparlanǵan.

Astanada ótken aqyl-oı dodasy­nyń jeńimpazdary – Abaı oblysy lıngvıstıkalyq ortalyǵynyń fılologi Jandos Qalıaqparov, Abaı aýdany orta mektebiniń bastaýysh synyp jáne matematıka pániniń muǵalimderi Balaýsa Saılaýbekova jáne Aıtolqyn Ermekova.

– Fınalda qatty tolqydyq. Sýper­fınaldaǵy qarsylasymyz – jam­byldyq komanda eki kúndik shaıqasta eń úzdik nátıje kórsetti. Sondyqtan bizge tapqyrlyq qana emes, jedeldik tanytý da mańyz­dy boldy. Sýperfınaldyń jal­ǵyz suraǵy Alashorda tarıhymen baılanysty bolǵandyqtan, túı­meni qarsylasymyzdan buryn bas­tyq. Eń bastysy, biz – óz oqý­shy­larymyzǵa úlgimiz, – dedi «Aqyl Battle Cup» respýblıkalyq oıy­ny­nyń jeńimpazdary.

Jarysty «Bolashaq Qazaq­stanǵa» qoǵamdyq birlestigi uıym­das­tyrdy. Elimizdiń bar­lyq óńiri­nen 14 pen 35 jas aralyǵyn­daǵy 150-den astam azamat qatysyp, 50 komanda arasynan Abaı obly­synyń «Telqara» komandasy oq boıy ozyq shyqty. «Telqara» ko­man­­dasy bas júldege tigilgen 1 mıllıon teńgeni enshilese, I oryn alǵan jambyldyq «Dara» komandasy 500 myń teńgege ıe boldy. Mań­ǵystaý oblysynan kelgen «West coast» komandasy II oryndy jáne 300 myń teńgelik syılyqty ıelen­di. III oryn men 200 myń teńgelik syılyq Batys Qazaqstan oblysynan kelgen «Europolis» komandasyna buıyrdy.