Jańa jylda Qazaqstan azamattaryna qansha kún demalys beriletini belgili boldy, dep habarlaıdy Egemen.kz.
Eńbek jáne halyqtyń áleýmettik qorǵaý mınıstrliginiń málimetinshe, jańa 2024 jylǵa arnalǵan resmı demalys kúnderi – 1, 2 qańtar. 2023 jyldyń sońǵy senbi-jeksenbisi 30 jáne 31 jeltoqsanǵa sáıkes keledi. Osylaısha, aptasyna 5 kún jumys isteıtin qazaqstandyqtar 4 kún qatarynan demalysqa shyǵa alady.
Alty kúndik jumys aptasyndaǵylar 30 jeltoqsanda jumys isteıdi.
Sodan keıin 3,4,5 qańtar – jumys kúni.
Al 7 qańtar – Rojdestvo merekesi jeksenbi bolǵandyqtan, qosymsha demalys kúni berilmeıdi. Sáıkesinshe, 5 kún jumys isteıtinder 6,7 qańtarda ádettegideı demalatyn bolady.