Saýd Arabııasynyń bas qalasy Er-Rııadta V Búkilálemdik jaýyngerlik óner oıyndary aıaqtaldy. Qazaqstan delegasııasy 12 altyn, 13 kúmis, 23 qola medaldarmen jalpy esepte 3-oryn aldy, dep habarlaıdy Egemen.kz vedomstvoǵa qarasty Sportty damytý dıreksııasyna silteme jasap.
On bir kún aralyǵynda 16 sport túrinen 1500-den astam sportshy 259-y altyn, 259-y kúmis, 436-sy qola, jalpy sany 954 medaldi sarapqa saldy. Aıta ketsek, Er-Rııad-2023-ke sportshylaryn jibergen 120-dan astam eldiń 87-sine júlde buıyrdy. Qazaqstan delegasııasy úshin Er-Rııadtaǵy jarystyń ár kúni derlik tarıhı nátıjemen este qaldy. Mysaly, oıyndar baǵdarlamasyna alǵash ret qosylǵan qazaq kúresi men armrestlıngten Ulttyq qurama sportshylary komandalyq esepte 1-oryn aldy. Sambo men grepplıngten qorjynǵa World Combat Games-tiń alǵashqy altyny tússe, karateshiler birinshi ret jeńis tuǵyrlarynan kórindi. Jalpy el namysyn 10 sport túri boıynsha 53 sportshy qorǵady. Aıta ketelik, jaýyngerlik óner oıyndarynyń jalpy reıtıngisinde Qazaqstan 37-inshi orynnan joǵarylap, úzdik ondyqqa endi.