Endi Jetisýda muz aıdyny bar. Qysqy sportqa kóńili qushtar jastar qalaǵanynsha oblys ortalyǵynda muz ústinde syrǵanaýǵa bolady. Odan bólek, óńirde buqaralyq sportty damytý úshin, ásirese, aýyldyq jerlerde ilgeriletý maqsatynda 3 sport kesheni iske qosyldy. Onyń ekeýi Panfılov aýdanynda bolsa, bireýi Qaratalda esigin ashty.
Qýanyshty is-shara Respýblıka kúni qarsańynda júzege asty. Panfılovtegi qos nysan memlekettik baǵdarlamamen salynǵan. Olardyń biri Penjim aýylynda 100 orynǵa arnalǵan, onyń quny – 1 mlrd 115 mln teńge, al ekinshisi Úlkenshyǵan aýylynda ornalasqan. О́ńir ákiminiń baspasóz qyzmetiniń málimetinshe, munyń qurylysyna 1 mlrd teńge bólingen, 90 oryndyq. Bulardyń árqaısysynda boks, fıtnes, kúres jáne basqa da sport túrlerine arnalǵan zaldar, sondaı-aq sporttyq oıyn alańdary bar. Birinshi sport kesheniniń aýdany – 2 615,7 sharshy metr, ekinshisi – 2 057,80 sharshy metr.
Nysandardyń ashylý saltanatynda sóz sóılegen Panfılov aýdanynyń ákimi Marat Saǵymbek:
«О́tken jyly Panfılov aýdanynda 6 sport kesheni iske qosyldy. Olardyń bári jergilikti kásipkerlerdiń esebinen salynǵan. Jaqyn arada Jarkent qalasynda jeke azamattardyń qoldaýymen quny 500 mln teńge bolatyn taǵy bir sport kesheni ashylady. Al búgin memlekettiń qoldaýymen aýdannyń eki aýylynda eki sport nysany paıdalanýǵa berilip otyr. Sondaı-aq Úsharal qalasynda taǵy bir sport kesheniniń qurylysy bastaldy, kelesi jyly iske qosylady», dedi.
Aýdan ákimdiginiń málimetinshe, aýyl balalary jańa sport keshenderinde jattyǵýǵa sport seksııalaryna jazyla bastaǵan. Aýyl turǵyndary ishi tolyqtaı jabdyqtalǵan eki jańa nysannyń ashylǵanyna dán rıza.
Qaratal aýdanynyń turǵyndary da osyndaı qýanyshqa keneldi. Atalǵan aýdannyń Kálpe aýylynda quny 179,8 mln teńgelik, jalpy aýdany 887 sharshy metrden asatyn blokty-modýldi sport kesheni paıdalanýǵa berildi. Qurylys jumystaryn «AtamekenStroıGrýpp» JShS júrgizdi.
Atap ótsek, Taldyqorǵanda taǵy bir sport nysany – jeke ınvestısııa esebinen salynǵan jabyq jattyǵý muz arenasy ashylady. О́ńirde balamasy joq jańa sport nysany Halyqaralyq konkı sport túrleri federasııalarynyń barlyq normasy men reglamentine sáıkes keledi. Munda oqý-jattyǵý úderisterin, sondaı-aq shaıbaly hokkeı, mánerlep syrǵanaý, paralımpıadalyq hokkeı jarystaryn ótkizýge barlyq jaǵdaı jasalǵan. «Jetysu Arena» muz aıdynynyń jalpy aýdany – 1 456 sharshy metr. Bul – respýblıkada sledj-hokkeı oınaýǵa múmkindik jasalǵan ekinshi keshen.
Eń ǵajaby, Taldyqorǵanda «Jetysu Arena» muz aıdyny ashyldy. Bul nysandy halyq kópten kútken edi. Sebebi qysqy sport túrine qyzyǵatyn jastarǵa osyndaı ortalyq aýadaı qajet bolyp júrgen. Mine, búgin sol mereıli sátke de jetti. Arena halyqaralyq talapqa saı salynǵan. Kez kelgen turǵyn balalaryn ákelip, qalaǵan sport túrimen aınalysýǵa erkindik berilmek.
Jeke kásipkerdiń qarjysyna salynǵan nysanda short-trek, hokkeı, mánerlep syrǵanaýmen aınalysýǵa bolady. Sonymen qatar munda paralımpıadalyq, ıaǵnı shanaly hokkeıge de jaǵdaı jasalyp otyr. Hokkeıdiń bul túrimen aınalysýǵa arnalǵan muz arenasy – elimizde ekeý ǵana. Onyń biri – Astanada bolsa, ekinshisi búgin Taldyqorǵanda ashylyp otyr.
Ǵımarattyń ashylý saltanatyna qatysqan Taldyqorǵan qalasynyń ákimi Ernat Bázil jınalǵan qaýymdy merekemen quttyqtap, aqjarma tilegin bildirdi.
«Oblysta buqaralyq sportty damytýǵa turaqty qoldaý kórsetilip, bıyl osy salaǵa bıýdjetten 20,5 mlrd teńge bólindi. «Jetysu Arena» muz aıdynyn salýǵa jergilikti kásipker 867 mln jeke ınvestısııa quıyp, búgin sol kórnekti sport nysanyn iske qosyp otyr. Osy rette Taldyqorǵanda qysqy sportty damytýǵa qosyp otyrǵan zor úlesi úshin kásipker Muhametjan Serikulyna shynaıy alǵysymdy bildiremin», dedi E.Bázil.
Aıta keteıik, jalpy oblysymyzda qysqy sport túrlerimen turǵyndardyń 1,4 paıyzy aınalysady. Endigi jerde bul nysan jastardyń qysqy sport túrlerine degen qyzyǵýshylyǵyn arttyrýǵa septigin tıgizetin bolady.
Nysannyń jalpy alańy – 2 235,8 sharshy metr. Keshen kásibı tehnologııalyq quraldarmen – tońazytqysh qural, muz quıý quraly, sporttyq quraldarmen jabdyqtalǵan. Sol arqyly munda jyl boıy úzdiksiz jattyǵýǵa múmkindik bar.
Jalpy, Jetisý oblysynda sportty damytýǵa bıyl 20,5 mlrd teńge bólingen.
Jetisý oblysy