Astana qalasynyń №3 avtobýs parkinde Úkimet Apparaty, Kólik mınıstrligi jáne Astana qalasynyń Kólik jáne jol-kólik ınfraqurylymyn damytý basqarmasynyń «City Transportation Systems JShS ókilderiniń qatysýymen alqaly jıyn ótti, dep habarlaıdy Egemen.kz QR Kólik mınıstrliginiń baspasóz qyzmetine silteme jasap.
Kezdesý barysynda atalǵan júıeniń júrgizýshini avtomattandyrylǵan bıometrııalyq sáıkestendirýi, kóz qarashyǵynyń jaryq titirkendirgishine reaksııasy, alkogoldik masańdyqty tekserý, dene temperatýrasy, qan qysymy jáne pýlsin ólsheý múmkindikteri kórsetildi.
Medısınalyq kýálandyrýdy avtomattandyrylǵan rejımde júrgizý bul úrdiske buryn-sońdy jumsalǵan ýaqytty 1 mınýtqa deıin qysqartýǵa, sondaı-aq ashyqtyqty qamtamasyz etýge, bıýrokratııanyń aldyn alýǵa jáne júrgizýshilerdi tekserý nátıjeleriniń elektrondyq tizilimin júrgizýge múmkindik beredi. Medısınalyq jabdyqty avtoparktiń shtattyq medısına qyzmetkerleriniń mindetti baqylaýymen 1 aı ishinde synaqtan ótkizý josparlanyp otyr.
Jabdyqty testileý qorytyndysy boıynsha jumys nátıjeleri jan-jaqty qarastyrylyp, paıdalaný aıasyn keńeıtý máseleleri múddeli taraptarmen talqylanatyn bolady.
Esterińizge sala keteıik, Kólik mınıstriniń 2023 jylǵy 27 qyrkúıektegi №14 buıryǵymen júrgizýshilerdi reıstiń aldynda jáne reısten keıin medısınalyq kýálandyrýdan balama túrde ótkizýge qatysty Avtomobıl kóligimen jolaýshylar men bagajdy tasymaldaý qaǵıdalaryna túzetýler engizilgen bolatyn. Atalǵan túzetýler bıyl 16 qazannan bastap zańdy kúshine endi.