Almaty oblysy Aqseńgir aýylynda jeti jasar qyzdy zorlamaq bolǵan kúdikti ustaldy. Qyzdyń týystary 49 jastaǵy kórshisi dalada oınap júrgen qyzdy úıine áketip, beıádep qylyqtar jasaǵanyn alǵa tartty, dep habarlaıdy Egemen.kz KTK telearnasyna silteme jasap.
Qyzdyq ata-anasy jelide jeldeı esip júrgen «zorlady» degen aqparatty joqqa shyǵaryp, Kárimhan esimdi turǵyn jeti jasar jetkinshekke «tátti beremin» dep aldap, óz úıine kirgizip alǵanyn aıtty.
«Kórshiniń qyzyna «dalada tura tur» degen. Sodan meniń qyzymdy úıge kirgizgen. Kirgennen keıin qolynan jetektep jatyn bólmege aparǵan. О́zi tósekke otyryp, qyzymdy aldyna alyp, denesin sıpalap ustaǵan. Qyzymnyń aıtýynsha, ol ony biraz ýaqyt ustap otyryp, keıin óziniń shalbaryn tizesine deıin túsirgen. Abyroı bolǵanda, sol sátte syrtta kútip turǵan ózge qyz qaqpadan kirip qalǵan. Sóıtip kórshisi sasqanynan qyzdyń qolyna eki almany ustatyp, úıden shyǵaryp jibergen», dedi kishkentaı qyzdyń anasy.
Jergilikti jedel ýákilder tergeý amaldary júrgizilip jatqanyn aıtty. Qozǵalǵan bapqa sáıkes, kúdikti 20 jyl nemese ómir boıy temir torǵa qamalýy múmkin.
«QR QK 121-babynyń 4-bóligi boıynsha aýdandyq polısııada dereý tirkeldi. Jedel izdestirý is-sharasy barysynda polısııa qyzmetkerleri 1974 jylǵy K. esimdi kúdikti azamatty ustady. Sot sanksııasymen ustalǵan adam sotqa deıingi tergeý júrgizý kezinde eki aı merzimge qamaýǵa alyndy», dedi Jambyl aýdany PB bastyǵynyń orynbasary Ǵalym Narımanuly.