Qasym-Jomart Toqaev pen Vladımır Pýtın kelissózderden keıin birneshe qujatqa qol qoıdy, dep habarlaıdy Egemen.kz Aqordanyń baspasóz qyzmetine silteme jasap.
1. Qazaqstan Respýblıkasy men Reseı Federasııasy arasyndaǵy XXI ǵasyrdaǵy tatý kórshilik jáne odaqtastyq týraly shartqa qol qoıylǵanyna on jyl tolýyna oraı Qazaqstan Respýblıkasynyń Prezıdenti men Reseı Federasııasy Prezıdentiniń birlesken málimdemesi;
2. Qazaqstan Respýblıkasy men Reseı Federasııasynyń 2024-2026 jyldarǵa arnalǵan birlesken is-qımyl jospary.
Sondaı-aq Reseı Prezıdentiniń Qazaqstanǵa resmı sapary aıasynda kelesi qujattarǵa qol qoıyldy:
1. Qazaqstan Respýblıkasynda «Kókshetaý», «Semeı» jáne «О́skemen» jylý elektr ortalyqtaryn salý jobalary boıynsha Qazaqstan Respýblıkasynyń Energetıka mınıstrligi men Reseı Federasııasynyń Energetıka mınıstrligi arasyndaǵy yntymaqtastyq jónindegi ózara túsinistik týraly memorandým;
2. Qazaqstan Respýblıkasy men Reseı Federasııasy arasyndaǵy 2024-2026 jyldarǵa arnalǵan Dene shynyqtyrý jáne sport salasyndaǵy yntymaqtastyqty damytý jónindegi is-sharalar jospary;
3. Qazaqstan Respýblıkasy men Reseı Federasııasy keden qyzmetteri ókilderiniń qatysýymen Qazaqstan Respýblıkasy Qarjy mınıstrliginiń Memlekettik kirister komıteti men Reseı Federasııasy Federaldyq keden qyzmetiniń 2024-2025 jyldarǵa arnalǵan ózara is-qımyly boıynsha is-sharalardyń birlesken jospary;
4. Qazaqstan Respýblıkasy Eńbek jáne halyqty áleýmettik qorǵaý mınıstrliginiń Eńbek jáne áleýmettik qorǵaý komıteti men Reseı Federasııasy Federaldyq eńbek jáne jumyspen qamtý qyzmeti arasyndaǵy eńbek ınspeksııasy máseleleri boıynsha ózara túsinistik jáne yntymaqtastyq týraly memorandým;
5. Qazaqstan Respýblıkasy Prezıdenti Is basqarmasynyń «Qazaqstan Respýblıkasy Prezıdentiniń Teleradıokesheni» men «Informasıonnoe telegrafnoe agentstvo Rossıı» (ITAR-TASS) Federaldy memlekettik ýnıtarlyq kásiporny arasyndaǵy aqparattyq seriktestik týraly kelisim.