Qazaqstan men Reseı Federasııasynyń 500 adamnan artyq adam qatysqan óńiraralyq yntymaqtastyq forýmy barysynda Soltústik Qazaqstan oblysynyń ákimi Ǵaýez Nurmuhambetov Omby oblysynyń gýbernatory Vıtalıı Hosenkomen júzdesti. Kezdesýde eki óńir arasyndaǵy yntymaqtastyqty nyǵaıtý máseleleri talqylandy, dep jazady Egemen.kz.
Sondaı-aq Ǵaýez Nurmuhambetov Reseıdiń «Hlebprom» kompanııasynyń bas dırektory Iаroslav Shadyrıamen kezdesý ótkizip, «Qyzyljar» arnaıy ekonomıkalyq aımaǵynda ınvestjobany júzege asyrý boıynsha kelissózder júrgizdi.
«Bul forým ekijaqty qarym-qatynastardy damytýǵa, seriktestik pen iskerlik baılanystardy nyǵaıtýǵa qosymsha serpin bermek jáne óńiraralyq yntymaqtastyqtyń jańa perspektıvaly baǵyttaryn damytýdy qamtamasyz etedi», dep jazdy oblys ákimi áleýmettik jelidegi paraqshasynda.
Aıta ketetin jaıt, forýmǵa Qazaqstannyń 8 oblysynyń jáne Reseı Federasııasynyń 12 óńirinen ókilder qatysty.