Bas prokýratýranyń baspasóz qyzmeti tergeý barysynda jumys berýshi – JK basshysynyń ónerkásiptik alpınısterdiń mert bolýyna qatysy bar ekendigi týraly dálelder jınaldy degen málimdeme jasady, dep jazady Egemen.kz.
Polısııa departamenti QK-tiń 277-shi babynyń 3-bóligine («Abaısyzda eki nemese odan da kóp adamnyń ólimine ákep soqqan qurylys jumystaryn júrgizý kezinde qaýipsizdik qaǵıdalaryn buzý») sáıkes sotqa deıingi tergep-tekserý júrgizip jatyr.
Qala prokýratýrasynyń tapsyrmasy boıynsha tergeý organy JK basshysyna qatysty «kúzetpen ustaý» túrindegi bultartpaý sharasyn qoldandy.
Qylmystyq isti tergeý barysy qala prokýratýrasynyń nazarynda. Quqyq buzýshylyqqa qatysy barlar túgel anyqtalady.
Eske salaıyq, qaıǵyly oqıǵa Astana qalasynda 2023 jyldyń 12 qazanynda bolǵan edi. Oqys oqıǵa kezinde tórt ónerkásiptik alpınıst bıiktikten qulap, olardyń úsheýi qaıtys boldy.