Aqtóbe oblysyna qarasty Hromtaý qalasynyń №3 orta mekteptiń altynshy synyp oqýshysy Jomart Azamatuly oılap tapqan qurylǵysy arqyly Táýke hannyń portretin sóıletti, dep habarlaıdy Egemen.kz.
Portrettiń ereksheligi − Táýke han kezeńinde Qazaq handyǵynda qabyldanǵan «Jeti jarǵy» zańyn baıandap, áńgimeleıdi.
Oqý-aǵartý vedomstvosynyń baspasóz qyzmeti málim etkendeı, oqýshy portretti jasaýda túrli qajetti tehnıkalyq quraldar men aýdıotaspalardy paıdalanǵan, ázirleýge bir jyl ýaqyty ketken. Portret mp3-qurylǵysymen, sensorly óshirý túımelerimen jáne 12 V qýat kózimen jabdyqtalǵan.
Jas ónertapqysh aldaǵy ýaqytta aqyn-jazýshylardyń jáne ózge de tarıhı tulǵalardyń portretterin sóıletý arqyly óskeleń urpaqqa halyq tarıhyn keńinen nasıhattaýdy josparlap otyr.