20 jasynda áýesqoılar arasynda álem chempıony atanǵan Jánibek Álimhanuly kásipqoı boksta da óz bıigine shyǵýdy kózdeıtinin aıtty, dep habarlaıdy Egemen.kz.
Instagram jelisiniń storısine jazba jarııalaǵan boksshy qazir naǵyz babyna enip, zar kúıinde júrgenin, óziniń bıiginde turǵanyn jazdy. «Charlomen jekpe-jekke tússe, Jánibek ony jeńe me degen suraq eshkimde bolmaıdy. Kóptiń kókeıinde tek «Charlony Qazaq style qaı raýndta, qandaı soqqymen sulatady?» degen saýal ǵana mazalaıdy. Men qazir óz bıigimdemin! Qazaq stıline dál qazir eshqandaı boksshynyń shamasy jetpeıdi! Iri sóz, iri is!», dep jazdy Jánibek Álimhanuly.