Baıandy bir jyl

Prezıdent saılaýy eldegi saıası ózgeristerge túrtki boldy. Ná­tı­jesinde, Parlamenttiń qos palatasy da, máslıhattar da qaı­ta saı­lanyp, jańartyldy, 45 aýdan men oblystyq ma­ńyzy bar qa­lada alǵash ret ákim­der saılaýy ótti. Árıne, saı­­laýshylardyń óz daýys­ta­rynyń mańyzdylyǵyn to­lyq sezinýi úshin bul óte az ýaqyt. Biraq saılaý máde­nıetiniń negizi qalandy. Aýyl ákimi, máslıhat, Parlament depýtattyǵyna saı­laýǵa kózqaras ózgerdi. «Halyq – bılik, bılik – halyq» degen formýlany dál osy saılaýlar aıqyndaı tústi.

Prezıdent Qasym-Jomart Toqaevtyń «Ádiletti Qazaqstan: bárimiz jáne árqaısymyz úshin. Qazir jáne árdaıym» saılaýaldy baǵdarlamasynyń basym baǵyttary oryndala bas­ta­ǵany belgili. Baǵdarlamanyń túp qa­zy­ǵy ekonomıkada adal jáne naqty ereje belgileý bolatyn. Jyldar boıy talan-tarajǵa túsken memleket baılyǵy qaı­ta­­ryla bastady. Shamamen 1 trln teńge somasyndaǵy zańsyz sa­typ alynǵan aktıvter elge qaıtaryldy. Ekonomıkany monopolııasyzdandyrý boıynsha júıeli jumys jalǵasyp keledi. Monopolııasyzdandyrý jó­nindegi komıssııa jumysynyń ná­tıje­leri boıynsha respýb­lı­ka­lyq menshikke ótti.

Memleket salyqtyq, bıýdjet, aqsha-kredıt jáne tarıftik saıa­satty teńgerimdi jáne ashyq júrgizip, ishki óndiristi jáne shı­ki­zattyq emes eksportty yntalandyratyn bolady.

Q.Toqaev Prezıdent bolǵan birinshi jylda saılaýaldy baǵ­dar­lamasyn iske asyrý jóninde ir­geli daıyndyq jumystary júr­­gizildi. Baǵdarlamanyń maq­sat­tary men mindetteri mem­lekettik organdardyń aǵym­daǵy josparlarymen úılestirildi, ony iske asyrý úshin zańnamalyq negiz jasaldy.

Prezıdent óziniń saılaýal­dy baǵdarlamasynda eldi damy­týdyń jańa ekonomıkalyq úl­gi­sine kóshýdi belgilep bergen edi. Nátıjesinde, 2022-2023 jyldary 41,3 mlrd dollar tikeleı sheteldik ınves­tı­sııa tartyldy. О́nerkásip sala­la­rynyń orta jáne joǵary qaıta bólý ónimderin óndirýge qajetti bazalyq materıaldyń qa­jettiligine taldaý júrgizildi. Otan­dyq óndirýshiler men óner­­­­­kásiptik-ınnovasııalyq qyz­­­met sýbektileri arasynda shıkizat jetkizý boıynsha mindettemelerdi engizýge baǵyt­talǵan «О́nerkásiptik saıa­sat týraly» zańǵa túzetýler ázir­lendi. Bul óńdeýshi ónerkásip kásip­oryn­darynyń qoljetimdi baǵa­daǵy shıkizatpen tolyq qýa­tynda qamtamasyz etýge múm­kindik beredi.

О́ndirýshiden sońǵy tutyný­shy­ǵa deıin taýarlardy ótkizýdiń ashyqtyǵyn qamtamasyz etetin tutas keshen – Ulttyq qadaǵalaý júıe­si engizildi.

Munyń ózi birinshi jyly oń ózgerister boıynsha jaqsy qar­qynǵa qol jetkizildi dep aı­týǵa negiz bolady. Memleket osy qar­qyndy saqtap qalýǵa tıis, árı­ne, qoǵam memleketke bul iste kó­mek­tes­ýi kerek.

Bıbigúl JEKSENBAI,

Senat depýtaty