Elimizde qys mezgili birtindep ózine tán mazmunǵa enedi. Sınoptıkter jeltoqsan aıyna arnalǵan aýa raıy boljamyn usyndy. Alaıda sınoptıkterdiń eskertý retinde aıtýynsha, bir aıǵa arnalǵan boljam keıinnen ózgerýi de múmkin jáne onkúndikke, aptaǵa, 1-3 táýlikke arnalǵan aýa raıy boljamdarymen naqtylanady, dep jazady Egemen.kz.
Jeltoqsannyń taıaý kúnderinde jáne bir aıdyń ishinde respýblıkanyń basym bóliginde aýa raıynyń turaqsyz sıpaty kútiledi: soltústik óńirlerde qar, keıde borandy qar jaýady, ońtústik óńirlerde jaýyn-shashyn jaýady (jańbyr, qar). Respýblıka boıynsha tuman, kóktaıǵaq, jeldiń 15-28 m/s deıin kúsheıýi kútilip otyr, aıdyń basynda soltústik-batys pen soltústikte – jel 30 m/s jáne odan da joǵaryraq ekpinde bolatyny boljanǵan.
Jeltoqsannyń birinshi onkúndiginiń ekinshi jartysynda arktıkalyq sýyq aýa massalarynyń yǵysýymen búkil elde aýa temperatýrasy aıtarlyqtaı tómendeıdi: eldiń batysynda túnde -10-20°C deıin, kúndiz -3-13°C deıin; soltústikte, soltústik-batysta, shyǵysta, ortalyqta túnde -20-30°C deıin, kúndiz -10-20°C deıin; ońtústik pen ońtústik-shyǵysta túnde -10-20°S deıin, kúndiz -2-10°S deıin tómendeıdi.
Jeltoqsannyń ekinshi jáne úshinshi onkúndikterinde sıklondardyń áserinen birneshe qarqyndy jylý tolqyndary kútiledi: soltústikte aýa temperatýrasy túnde -5-10°S deıin, kúndiz 0-5°S deıin, ońtústikte túnde -3+3°S deıin, kúndiz +5+13°S deıin joǵarylaıdy.
Alaıda jekelegen kúnderi soltústik-batystan enetin sýyq antısıklondardyń áserinen temperatýranyń tómendeýi boljanady: soltústikte túnde -20-30°S deıin, kúndiz -8-15°S deıin; ońtústikte túnde -10-17°S deıin, kúndiz -3-10°S deıin tómendeıdi.
Jalpy boljam boıynsha jeltoqsan aıynda el aýmaǵyndaǵy aýanyń ortasha temperatýrasy mólsherden 1-2°joǵary bolatyny kútilip otyr.
Jeltoqsanda jaýyn-shashyn respýblıkanyń basym bóliginde mólsherli, elimizdiń soltústiginde mólsherden kóp jaýatyny boljanǵan.