Ánshi, Qazaqstannyń halyq artısi Dımash Qudaıbergen halyqaralyq syılyqqa ıe boldy. Bul týraly ol óziniń ınstagram paraqshasynda jarııa etti, dep habarlaıdy Egemen.kz.
«Qurmetti dostar! Búgin Serbııanyń Belgrad qalasynda «Karić brothers award» syılyǵyna ıe boldym. Meni árdaıym qoldap júrgen barsha tyńdarman qaýymǵa shyn júrekten alǵys. Aǵaıyndy Karıch syılyǵy álemge áıgili ǵylym, jýrnalıstıka, ekonomıka, mádenıet jáne qoǵam qaıratkerlerine tabystalady. 1979 jyldan beri Karıch qorynyń syılyǵy buǵan deıin Nobel syılyǵynyń laýreattary J.Alferov, P.Handke, Qazaqstannyń tuńǵysh Prezıdenti N.Nazarbaev, kınorejısser E.Kýstýrısa, qoǵam qaıratkeri M.Mazarı, tennısshi Novak Djokovıch, akter Stıven Sıgal – barlyǵy 150-den astam daryndy adamdarǵa tabystalǵan», dep jazdy D.Qudaıbergen.