Astanada sporttyq bıden jastar arasynda álem chempıonaty ótti. Elimizde alǵash ret uıymdastyrylyp otyrǵan baıraqty básekede 30-ǵa jýyq memleketten kelgen úmitkerler qatysty.
Juptyq saıysta Neıdas Lenkıtıs pen Tamara Belenkaıa 10 túrli bıdi minsiz oryndap, bas júldeni jeńip aldy. Estonııalyq Adrıa Ernande men Emılııa Ýlsıneıt jáne Vladımır Chebaný men Sofııa Choreský jerlesterimizge barynsha qarsylyq kórsetkenimen, bul joly olarǵa kúmis pen qola medaldy qanaǵat tutýǵa týra keldi.
Sóıtip, Qazaqstannyń sportshylary ózderiniń myqtylyǵyn taǵy bir moıyndatty. Esterińizde bolsa, byltyr Latvııada ótken dúnıejúzilik dodada da otandastarymyz qarsylas shydatpaǵan edi. Ol jarysta Maksım Jılenkov pen Arına Molochnıkova aldyna jan salmady.