10-16 jeltoqsan aralyǵynda Majarstannyń astanasy Býdapeshtte shaıbaly hokkeıden IA dıvızıonyndaǵy jastar arasyndaǵy álem birinshiliginiń jalaýy jelbireıdi.
Dúbirli dodaǵa daıarlyqty jerlesterimiz 28 qarashada Astanadaǵy «Barys Arenada» bastady. 3 jeltoqsanda qart qurlyqqa attanyp, oqý-jattyǵý jıynyn Býdapeshtte jalǵastyrady. Sol aralyqta Majarstan jáne Fransııa hokkeıshilerimen joldastyq kezdesý ótkizýdi de josparlap otyr. Al álem birinshiliginde el quramasy jarys qojaıyndarynan bólek, Danııa, Japonııa, Fransııa jáne Aýstrııa quramalarymen kúsh synasady. Solardyń arasynan úzdik shyqqan bir komanda ǵana kelesi jyly elıtalyq dıvızıonda óner kórsetý quqyǵyna ıe bolady.
Atalǵan jarysta elimizdiń jastar quramasynyń aǵa jattyqtyrýshysy Sergeı Starygın myna hokkeıshilerge senim artyp otyr: Qaqpashylar – Vladımır Nıkıtın, Vladımır Istomın, Artem Shestakov. Qorǵaýshylar – Artem Avdeenko, Roman Bolshedvorskıı, Beıbarys Orazov, Gleb Reshetko, Mstıslav Shıpılın, Dmıtrıı Breýs, Kırıll Han, Dıar Manash, Danıal Shaqshaqbaev. Shabýylshylar – Ádil Beısembaev, Artýr Gross, Roman Ermak, Kırıll Lıapýnov, Aleksandr Mıgýnov, Asanáli Rýslanuly, Semen Sımonov, Nıkıta Sıtnıkov, Egor Smolıanınov, Aleksandr Kım, Davlat Nurkenov, Vsevolod Logvın jáne Rýslan Ospanov.
Majarstanda óner kórsetetin oıynshylarynyń denin Jastardyń hokkeı lıgasynda (JHL) kúsh synasatyn Astananyń «Snejnye barsy» klýbynyń órenderi qurady. Elordalyq «Barys» pen «Nomad» jáne О́skemenniń «Torpedosynyń» saıypqyrandaryna da senim artyldy. Sondaı-aq bizdiń komandada Kanada, Reseı jáne Fınlıandııanyń jastar lıgasynda oınap júrgen jigitter de bar.