Jyl volonterleri anyqtaldy

Osymen tórtinshi jyl qatarynan uıym­dastyrylǵan syılyq volonter­ler qozǵalysyn damytýǵa jáne qol­daýǵa, áleý­mettik jáne qoǵamǵa paı­daly mindet­terdi sheshýge eleýli úles qos­qan otan­dyq jáne halyq­aralyq volon­terler men vo­lon­ter­ler toptaryn, volonter­ler uıym­­daryn kótermeleýge jáne yn­ta­landyrýǵa baǵyttalǵan.

Mádenıet jáne aqparat vıse-mınıstri Danııar Qadyrov volon­terlerdi halyqaralyq merekemen quttyqtaı kele, búginde elimizde volonterlik sala óte qarqyndy damyp kele jatqanyn atap kórsetti. Bul qyzmetke atsalysyp júrgen azamattar men uıymdar sanynyń turaqty artýy qalypty jaǵdaıǵa aınalǵanyna toqtaldy.

– Keıingi on jylda, – dep  jal­ǵas­tyrdy sózin vıse-mınıstr. – Erik­tiler qatary 4 esege ósti. Qazir respýblıkada 600-den asa vo­lon­terlik uıym, 250 myńnan astam volonter bar. Sáıkesinshe, volonterlerdiń qatysýymen iske asy­rylatyn baǵdarlamalar men jo­balardyń aýqymy keńeıdi. «Jyl volonteri» syılyǵyna jeńim­pazdardy irikteý eki saty boıyn­sha júrgizildi. Bastapqyda táýel­siz sarapshylar ótinim ber­gen­­derdi qoǵamǵa mańyzy men áleý­met­tik jelidegi belsendiligine qarap, kelesi kezeńge ótkizdi. Al ekin­shi satyda mınıstrlik janynan qur­yl­ǵan komıssııa músheleri ashyq daýys berý arqyly sheshim qabyldady.

Merekelik keshke respýblı­ka­nyń túkpir-túkpirinen voloterlikti serik etken belsendi volonter­ler arnaıy keldi. Bul joly qoǵam belsendileri 15 áleýmet­tik mańyzy bar atalym bo­ıynsha iriktelgen. «Densaýlyq saqtaýdy damytý­ǵa belsendi qatys­qany úshin» О́zbek­stan memleketi Tash­kent qala­synan Jasýrbek Kamılov, Qazaq­stannyń Jetisý obly­synan Qazyna Orynbekova men Baı­ǵalyq Bıahmet marapattal­dy. Al «Beıbitshilikti, dostyq pen kelisimdi nyǵaıtýǵa qosqan úlesi úshin» pav­lodarlyq Venera Smaǵulova men astanalyq Dıana Myr­zaǵalıeva, «Tótenshe jaǵdaı­lardy joıýǵa belsene qatysqany úshin» Jetisý oblysynan Holıda Kýsanova, Ekibastuz qalasynan Samal Dúısenbaeva, Shymkent qalasynan Abaı Syr­lybaev, Petropavl qalasynan Abdın Damır, Túrkistan oblysynan Aq­meıir Narmuratova jyl úzdik­teri atandy. «Salamatty ómir saltyn nasıhattaýǵa belsendi qatysqany úshin» Abaı oblysynan Rýslan Býtanaev, Astana qalasynan Dana Tákenova, Pavlodar qalasynan Vıktor Karıagın, Jetisý oblysynan Janserik Baıdenov arna­ıy syılyq ıelendi. «Iz-tússiz jo­ǵal­ǵan adamdardy izdeýge belsen­di qatysqany úshin» atalymymen marapattalǵan úzdikter qata­ryn­da qostanaılyq Olesıa Logo­shı­novachevskaıa, Tal­dy­qorǵannan Ekaterına Sere­dına, astanalyq «Qanat» volonter­­lik qozǵalysy» bas­tamashyl toby, Ekibastuz qala­synan Olesıa Volıkova da bar.

«Úzdik volonterlik uıym» atalymy boıynsha «Lider.kz», «Astana aqpeıildiler klýby» volonterler qoǵamy, «VITA» Pav­lo­dar qalasynyń izdeýshileri» qoǵam­dyq birlestigi, «Shymkent qala­­lyq ACCESS túlekteri «ASAA»» jastar qoǵamdyq bir­les­tigi je­ńim­paz boldy. «Úzdik áleýmet­tik kómekshi» atalymynda jyl volonteri Taraz qalasynan Azamat Namelbek, Kókshetaý qalasynan Erbol Amantaev, Qostanaıdan Anastasııa Pýshkareva atandy.

– Áleýmettik baǵyttaǵy vo­lon­­terlikpen aınalysyp júr­geni­me 14 jyl­daı boldy. Byltyr «Jeńis» jobasyn da qolǵa aldyq. Igi is aıasynda jalǵyzbasty neme­se az qamtylǵan ardagerler men tyl eńbekkerlerine kó­mek qolyn sozdyq. Pandemııa tusyn­da da halyqtyń osal toptaryna jár­demdestik. Dári-dármek, azyq-tú­lik úlestirdik. Sol belsen­­dili­gimiz úshin Memleket basshy­sy Qasym-Jomart Toqaev taǵaıyn­daǵan «Halyq alǵysy» arnaıy medalimen marapattaldym. Qa­zir topta 55 volonter bar. Ba­sym kópshiligi stýdentter. Qatary­myzda jasy 55-ten asqan azamattar da bar. Biz bul qaıyrymdylyq sharalaryn aldaǵy ýaqytta da jalǵastyra beretin bolamyz, – dedi volonter A.Pýshkareva.