Atyraýda jeke kásipkerlerden aqsha bopsalaýmen aınalysqan qylmystyq top ustaldy. Bul týraly police.aturau ınstagram arnasynan málim boldy, dep habarlaıdy Egemen.kz.
Kásipkerden 2 mln 600 myń teńge alyp jatqan 1991, 1996, 1996, 1998 jylǵy 4 kúdiktini qylmys ústinde polısııa qyzmetkerleri ustady.
«Kúdiktilerdiń destrýktıvti dinı aǵym ókilderi ekeni anyqtaldy. Top jábirlenýshilerdi naýryz aıynan beri bopsalap, shamamen 5 mıllıon teńge ıemdenbek bolǵan. Kúdiktilerdiń osyǵan uqsas basqa da qylmystarǵa qatystylyǵy anyqtalyp jatyr», delingen Atyraý oblysy PD habarlamasynda.
QR Qylmystyq kodeksiniń 194-babynyń 3-bóligi 2-tarmaǵy boıynsha qylmystyq is qozǵalyp, sotqa deıingi tergeý júrgizilip jatyr.