Máselen, «Qaraǵandy-Astana» tas jolynyń boıynda qalyp qoıǵan О́zbekstan azamattary qutqaryldy. Saryaǵashtan jolǵa shyǵyp, elordaǵa jetpeı synǵan avtobýsta 20 shaqty jolaýshy bolǵan. Nátıjesinde olar Osakarov aýdanyna deıin jetkizilip, jatyn oryn men isher tamaqpen qamtamasyz etildi.
«Jeksenbi kúni keshki saǵat segizde avtobýspen jolǵa shyqtyq. О́zbekstannan keldik. Qutqarýshylar bizge ystyq tamaq berip, jatyn orynǵa ornalastyrdy. Biz 25 adam edik, 8 adam Qaraǵandyda túsip ketken», dedi shetel azamaty Ábýbákir Haıtov «Qazaqstan» ulttyq arnasyna bergen suhbatynda.Budan bólek Qyzylorda polıseıleri aýa raıynyń qolaısyzdyǵyna baılanysty sońǵy bir táýlikte 15 júrgizýshige qol ushyn sozdy.
Túrkistan oblysynda da aqtútek boran saldarynan jolda qalyp qoıǵandar qutqaryldy. Qazir aýy raıynyń kúrt sýytýyna baılanysty aýmaq mektepteriniń basym kópshiligi qashyqtan oqytýǵa kóshken.
Al «Shymkent-Taraz» avtojoly men Túlkibas aýdanynda ishki joldar ýaqytsha jabyldy. Atalǵan kúrejol boıynda úsh birdeı toıota alfard kóliginiń júrgizýshileri men jolaýshylary qutqarylǵan.
Aıta ketsek, Báıdibek aýdanynda kesheden beri burqasyn jel soǵyp tur. Sonyń saldarynan Túrkistan oblysy Báıdibek pen Túlkibas aýdandarynyń aýmaǵy, Batys-Eýropa Batys-Qytaı trassasy men oǵan qosylatyn eldi mekender joldary jabyldy. Bul aýmaqtardan da birneshe jeńil kólik qar qursaýynan shyǵarylyp, aqtútekte adasyp ketken shopan da tabyldy.
Sondaı-aq Aqmola oblysynda qatty aıazda jolda qalǵan 31 adam Kókshetaý qalasyndaǵy jylytý pýnktine aman-esen jetkizildi. Olardyń arasynda eki bala bolǵan. Barlyǵy Tájikstan Respýblıkasynyń azamattary.