Premer-mınıstrdiń orynbasary – Qarjy mınıstri Erulan Jamaýbaev qazaqstandyqtardyń qandaı uıaly aýdarymdaryna salyq salynatynyn túsindirdi, dep habarlaıdy Egemen.kz.
Onyń sózinshe, qazir banktermen aprobasııa, pılottyq joba júrip jatyr. Úkimet úsh aı ishinde bir karta boıynsha 100 aýdarym krıterııin qoıǵan.
«Baqylaımyz. Bul krıterııler shartty túrde. Retteı alamyz, múmkin az, múmkin kóp bolýy múmkin aýdarymdar sany. Dese de jańa túzetýler kásipkerlik qyzmet sıpatyna ıe mobıldi aýdarymdarǵa salyq salýǵa baǵyttalǵanyn eskergen jón.
Eger bul týystar arasyndaǵy, múmkin áriptester arasyndaǵy qarapaıym aýdarymdar bolsa, ártúrli jaǵdaılar bolady - túsinikti, bul kásipkerlik qyzmetke qatysty emes, salyq salynbaıdy. Sondyqtan munda basty maqsat – jıi júrgiziletin aýdarymdardy fıskalızasııalaý», - dedi vıse-premer.
Jýrnalıster «Syılyqqa nemese jańa perde alýǵa aqsha jınaıtyn mektep oqýshylarynyń ata-analaryna jasalǵan aýdarymdar úshin salyq tóleý kerek pe?» dep surady.
«Joq, mundaı jaǵdaılarda salyq sharalary qabyldanbaıdy, óıtkeni bul bir rettik tólemder ekenin bilemiz. Mundaı aýdarymdar úshin táýekel týdyrmaıdy, biraq bıznesi bar adamdar úshin táýekel bolady: dúken, taksı jáne t.b. Iаǵnı, bıznespen tikeleı aınalysatyn adamdar», - dep jaýap berdi Qarjy mınıstrliginiń basshysy.
Ol kásipkerlik qyzmetpen aınalysatyn qazaqstandyqtardy osyndaı maqsattar úshin arnaıy shottar ashýǵa shaqyrdy.
«Bul úshin arnaıy kartany, arnaıy shotty ashyńyz jáne qalaǵanyńyzsha aýdarymdar jasaı alasyz. Kásipkerlik qyzmettiń belgili bir túrine tirkelip, salyq tóleńiz. Kóleńkede jumys istep jatqan kásiporyndardy osyǵan ákelip jatyrmyz», - dedi Jamaýbaev.