Ánshi, Qazaqstannyń halyq ártisi Dımash Qudaıbergen KSRO Halyq ártisi Bıbigúl Tólegenovany týǵan kúnimen quttyqtap, áleýmettik jelide áserli jazba jarııalady, dep habarlaıdy Egemen.kz.
«Búgin - qazaq vokal óneriniń negizin qalaýshylardyń biri, opera janrynan bastap halyq án-kúıine deıingi aralyqtaǵy janrdyń bárin jetik meńgergen uly ánshi, Halyq ártisi Bıbigúl Ahmetqyzy Tólegenovanyń týǵan kúni!
Qurmetti Bıbigúl apa! Sizdi týǵan kúnińizben shyn júrekten quttyqtaımyn! Mándi de maǵynaly ómirińiz, paıym-parasatyńyz bizge ónege. Qudaı bergen daryndy eńbekpen ushtastyra bilgen, ultqa degen meıir-mahabbatyńyz bizge úlgi.
Búkil qazaq dalasyn áli kúnge deıin terbep kele jatqan áýezdi ánderińiz úshin raqmet! Ǵumyr jasyńyz uzaq bolsyn! Denińizge saýlyq tileımin! Taǵy da týǵan kúnińizben, Apa!», dep jazdy Dımash quttyqtaýynda.