QR Tótenshe jaǵdaılar mınıstrligi О́rtke qarsy qyzmet komıtetiniń tóraǵasy Ramıl Kamalov Astana jáne Almaty qalasynda dástúrli jańa jyldyq otshashýdy atqylaıtyn qaýipsiz jerler anyqtalyp jatqanyn aıtty, dep jazady Egemen.kz.
«Árıne, dástúrli jańajyldyq otshashý bolady. Sonymen qatar 24-28 jeltoqsan aralyǵynda jańajyldyq erteńgilikter, onyń ishinde oblys, respýblıkalyq mańyzy bar qalalar jáne Astana ákimderiniń qatysýymen ótedi. Al prezıdent shyrshasy aldyn ala 29 jeltoqsanǵa josparlanǵan», dedi Ramıl Kamalov.
О́rtke qarsy qyzmet komıtetiniń tóraǵasy otshashý kezindegi qaýipsizdikti saqtaý, oqys oqıǵalardyń aldyn alý úshin jyljymaly arnaıy tehnıka, kezekshi brıgadalar men ınjenerlik-ınspektorlyq qyzmetkerlerdiń is-sharalar jospary men tıisti kezekshilik kestesi jasalatynyn jetkizdi.