Imamdar halyqty «musylmandarǵa jat meıramdy» toılamaýǵa shaqyrdy, dep habarlaıdy Egemen.kz.
«Hronıka Týrkmenıstana» basylymynyń jazýynsha, bıyl muǵalimder men tárbıeshiler balalardy qalalyq shyrshaǵa aparady.
Aıtýlarynsha, jergilikti bılik ákimshilik ǵımarattar men keńselerdiń aldyna shyrsha ornatýǵa ruqsat bermeı otyr. Jańa erejelerge hıakımlikter áli túsinikteme bergen joq.
Ashhabadta jańa jyldyq shyrshalar resmı túrde tek úsh jerde – «Álem» mádenı-saýyq ortalyǵynyń aldynda, «Ylham» saıabaǵynda jáne sırk ǵımaratynyń aldyna ornatylǵan. Arhadag qalasynyń ortalyǵynda bir shyrsha ornatyldy. Astanada hattamalyq kóshelerdiń belgili bir bólikteri ǵana gırlıandalarmen bezendirilgen. Velaıat ortalyqtarynda 1-2 shyrsha ornatylǵan.
Bıyl Túrkimenstanda dinı aǵymdar Jańa jyl qarsańynda kúsheıe bastady – ımamdar meshit jamaǵattaryn «musylmandarǵa jat meıramdy» toılamaýǵa shaqyrdy, bazarlarda shoshqa etin satýǵa shekteý qoıylýda, jańa jyldyq shyrshalar sırek ornatyldy.
Al Túrkimenstan halqy Jańa jyldy qarsy alýǵa daıyndalyp jatyr. Saýdagerler polıseılerdiń 31 jeltoqsan kúni keshki saǵat 22.00-den keıin ishimdik satýǵa tyıym salynatynyn taǵy da eskertkenine shaǵymdanady.
Ashhabadta eki polısııa ókili turǵyn úılerdegi úılerdi aralap, halyqqa jańa jyldyq merekeler kezinde tártipti saqtaýdy eskertýde.