«Qazgıdromet» RMK sınoptıkteri aldaǵy úsh kúnde aýa raıy qandaı bolatynyn aıtty. Boljamǵa sáıkes, Qazaqstannyń barlyq aýmaǵynda aýa raıy turaqsyz bolady, dep jazady Egemen.kz.
Mamandardyń aıtýynsha, el aýmaǵyndaǵy aýa raıyna Atlant sıklony yqpal etedi. Ol jańbyr men qar túrindegi jaýyn-shashynǵa sebep bolady. Oǵan qosa jeltoqsan aıynyń sońynda burqasyn, kóktaıǵaq jáne 15-28 m/s ekpindi jel bolady.
Máselen, 29-30 jeltoqsanda soltústik jáne ońtústik oblystarda ekpini 30 m/s jáne odan da kóp bolatyn qatty jel soǵady.
30 jeltoqsanda túnde eldiń soltústik-batysynda, soltústiginde jáne ortalyǵynda 7-15 gradýs aıaz bolady. Al ońtústik pen ońtústik-shyǵysta aıaz 3-13 gradýsqa deıin azdap tómendeıdi.