Qazaqstan musylmandary dinı basqarmasy QMDB sońǵy ýaqytta áleýmettik jelide arnaıy dinı bilimi bolmasa da osy taqyryp aıasynda jalǵan aqparat taratyp júrgen Serik Rysjanov týraly málimdeme jasady, dep jazady Egemen.kz.
Mýftııattyń mundaı qadamǵa barýyna Serik Rysjanovtyń «Barys media» ıýtýb arnasyna bergen suhbatynyń birinde: «Quranda bes ýaqyt namaz oqyńdar dep aıtylmaǵan» degen sózi sebep bolyp otyr.
QMDB atalǵan azamattyń áreketin qoǵamǵa iritki salyp, alaýyzdyq týdyrý dep baǵalady.
Sonymen birge Qasıetti Quran kárimde 5 ýaqyt namazdyń paryz etilgeni týraly naqty aıattar keltirdi:
«Alla Taǵala Qurannyń «Nısa» súresiniń 103-aıatynda: «...Namazdy kemeline jetkizip, úzbeı ári ýaqytyly oqyńdar... Shúbásiz, namaz múminderge belgili ýaqyttarda (ótelsin dep) paryz etildi» dep buıyrǵan.
«Endeshe, kesh batyryp, tań atyrǵandaryńda (ıaǵnı keshki, túngi jáne tańǵy namazda) Allanyń minsiz, kemshilik ataýlydan ada ekenin aıtyp jar salyńdar!» («Rum» súresi, 17-aıat);
«Ekindi jáne túski ýaqytta (ıaǵnı ekindi jáne túski namazynda) da; kókterde de, jerde de bar madaq pen sheksiz shúkirshilik bir О́zine ǵana tán ekenin aıtyp jar salyńdar!» («Rum» súresi, 18-aıat);
«Kúndizdiń eki ýaqytynda (besin, ekinti), sondaı-aq túnniń kúndizge taıaý ýaqyttarynda (tańsári, aqsham, quptan) namaz oqy. Shynynda, jaqsylyqtar jamandyqtardy (ıaǵnı, kishigirim kúnálardy) joıady. Bul – oılanyp, ǵıbrat alatyndar úshin aıtylǵan birer nasıhat» («Hýd» súresi, 114-aıat).
«Osyndaı ashyq aıattarǵa qarsy kelý naǵyz adasýshylyq dep esepteımiz. Elimizdegi árbir azamat qazaq qoǵamynyń tutastyǵyn saqtaýǵa múddeli bolýy kerek.
S.Rysjanov óziniń arnaıy dinı biliminiń bolmaǵanyna qaramastan Qurandy óz betinshe túsinip, musylman jamaǵatynyń dinı senimine syzat túsirip, iritki salǵandyǵy úshin musylman qaýymynan keshirim suraýy tıis.
Qazaqstan musylmandary dinı basqarmasy mundaı shekten shyǵýshylyqqa, dinı qundylyqtardy teris burmalaýshylyqqa, paryzdar men dinı rásimderdi joqqa shyǵaryp, qoǵamda búlik pen alaýyzdyq týdyrǵan azamattardyń ústinen sotqa shaǵym túsiretinin málimdeıdi», dep jazdy muftyat.kz