Qazaqstanda sý sharýashylyǵy qyzmetkerleriniń jalaqysy 25% ósti, dep habarlaıdy Egemen.kz Sý resýrstary jáne ırrıgasııa mınıstrliginiń baspasóz qyzmetine silteme jasap.
1 qańtardan bastap sý sharýashylyǵy qyzmetkerleriniń bir bóliginiń eńbekaqysy orta eseppen 25%-ǵa artty. Bul Sý resýrstary jáne ırrıgasııa mınıstrligi ázirlegen is-sharalardyń nátıjesinde iske asty.
Budan bólek, mınıstrlik otandyq sý salasynyń kadrlyq áleýetin jaqsartý úshin sý sharýashylyǵy mamandaryn qaıta daıarlaýdy jáne olardyń biliktiligin arttyrýdy josparlap otyr.
«Eńbekaqyny arttyrý − sý sharýashylyǵy salasynda jumys isteýdi tartymdy etý qadamdarynyń biri. Árıne, salada júrgen mamandardy ustap qalyp qana qoımaı, olardy qajetti daıyndyqpen, zamanaýı daǵdylarmen jáne bilimmen qamtamasyz etý qajet. Mınıstrlik bul baǵytta belsendi jumys júrgizip jatyr», dedi Sý resýrstary jáne ırrıgasııa mınıstri Nurjan Nurjigitov.